مرحبا يا جماعة،
في قطة كل فترة بتجي بتنوي عالباب ومنطعميها، ومن شي اسبوعين اجت وحطيتلها أكل وما أكلت !!
وحسيتها دوخانة وتعبانة ! اتوقعت انو بردانة من الهوا القوي يوميتها، المهم حطيتها عالبلكون جوا حرام ونامت ..
وبفيقني أخوي الصبح وبقلي انو القطة ولدت تلت قطط ! وصاروا أربعة .!
الصور يلي هون وهنن عمرهم أسبوعين وشوي ما عدا صورتين قديمات، عفكرة هنن عمرن أسبوع بلشوا يفتحوا عيونن ...
ورح أحكي بصيغة المذكر للولاد، مع انو لهلأ مو مبين 100% ،،
بترككم مع الصور المنزلية :
1- هي هيي الأم وكانت معصبة شوي :
2- هي الأم عم ترفض انو نصورها، يمكن ما بتحب الشهرة او يمكن مو مجهزة حالها، أو عالأغلب لأنو عم نصور مناطق حساسة :
3- هي الولاد عم يرضعوا ، بس الظاهر في حدا مخربط وعم يعض هههههههه ،، عم أمزح بس هي كانت عم تنوي مو أكتر :
4- هي الأم مبسوطة ومزهزهة وأنا عم أعملها مساج :
5- هي صورة القط المحروس الكبير بالحجم (أول واحد فتح عيونه وأكتر واحد بحاول يمشي، ودايما بيضرب أخوته وما بخلين يرضعوا) :
6- هي المحروس الكبير نفسه (عفكرة ما بيسأل على أمه غير لما بيجوع أو بيبرد):
7- القط الكبير عم يتعربش على إيدي :
8- هي أصغر واحد منن، بريء كتير، ودايما مهضوم حقه، والتنين الأكبر منه ما بخلوه يرضع، ولما ببعده عن أمه شوي بيصرعنا بالتنواية :
9- هي لقطة نادرة وبالصدفة للأم وهي مادة لسانها :
10- المحروس الوسطاني بالحجم :
11- الفصاعين وهنن عم يرضعوا :
12- هدا المحروس الوسطاني بالحجم، كسول شوي :
13- هي مسقط رأس الولاد، مكان الولادة(داخل هاللحاف،،، وبفضل هالحادثة الزبال كسب لحاف منظوم ) :
14- هي التنين الصغار نايمين فوق الكبير !! والأم الله أعلم وين ومع مين كانت عم تقيع بالشوارع :
15- هي صورة قديمة لواحد منن بعد بيومين من ولادتهم، هداك الوقت ما كنت أحسن ميز بينهم :
16- هي صورة جديدة للأم وهيي واقفة وبوضعية غريبة ،، انتبهوا فخذها اليمين ! :
17- هي الوسطاني والصغير :
18- هي الكبير وهو عمره كم يوم :
19- الكل نايم أحلى نومة :
بتمنى يكونوا عجبوكم ...